Presidentja e Kosovës, Vjosa Osmani, ka marrë pjesë në edicionin e Javës së Gruas të organizuar nga NDI (National Democratic Institute).

Gjatë fjalimit të saj, ajo ka deklaruar se fuqizimi i grave dhe vajzave është domosdoshmëri demokratike për një shoqëri të lirë, të drejtë dhe të barabartë.

“Asnjë shoqëri nuk mund të jetë vërtet e lirë, e drejtë apo e barabartë, nëse gjysma e popullit të saj mbetet mbrapa. Në edicionin e sivjetëm të Javës së Gruas, të organizuar nga NDI, riafirmova se fuqizimi i grave dhe vajzave nuk është vetëm detyrim moral, por edhe domosdoshmëri demokratike”, ka shkruar Osmani.