Organizata e Veteranëve të Luftës së UÇK-së, Shoqata e invalidëve të luftës dhe shoqata e familjeve të dëshmorëve kanë shprehur siç kanë thënë, pakënaqësinë e tyre të thellë me vendimin e Gjykatës së Apelit, e cila konfirmoi dënimin ndaj Pjetër Shala, duke e ulur atë në 13 vjet burgim.

Në reagimin e tyre thuhet se kanë pritur që vendimi të jetë lirues.

“Edhe pse dënimi është ulur, ne kemi pritur me bindje të plotë një vendim lirues, sepse besojmë në pafajësinë e bashkëluftëtarëve tanë, dhe në luftën tonë të drejtë për çlirim. Ky aktgjykim, në vend që të përmbyllë padrejtësinë, veçse e thellon bindjen tonë se kjo gjykatë ka karakter politik dhe nuk e trajton drejtësinë mbi baza të barabarta e të paanshme. UÇK-ja nuk ka nevojë të mbrohet nga e vërteta, e vërteta historike është në anën tonë, dhe bashkëluftëtarët tanë nuk do t’i nëpërkëmbë askush me procese të motivuara politikisht. Liria nuk gjykohet, ajo respektohet!”, thuhet në reagim.