Kompania Rajonale e Ujësjellësit “Hidroregjioni Jugor” në Prizren, përmes një postimi në Facebook, u ka bërë thirrje të gjithë konsumatorëve që të kryejnë pagesat e rregullta mujore për shërbimet e ujësjellësit.

“Pagesa e faturave është thelbësore për përmirësimin e cilësisë së shërbimeve dhe realizimin e investimeve afatgjate për një furnizim më të mirë me ujë. Kompania është duke ndërmarrë veprimet e mëposhtme për inkasimin e borxheve të papaguara:

• Dërgimi i rasteve tek Përmbaruesi Privat.
• Shkyçja nga shërbimi për konsumatorët që nuk kryejnë pagesat”, shkruan “Hidroregjioni Jugor”.

Tutje, për të shmangur këto masa, kompania ka inkurajuar konsumatorët ta riprogramojnë borxhin dhe të kryejnë pagesat në kohë përmes mënyrave të mëposhtme:

• Në pikat e arkëtimit të kompanisë,
• https://hidroregjioni-jugor.com/menyrat-e-pageses/
• Në llogaritë bankare të shënuara në faturë,
• Në Postë dhe ëestern Union,
• Përmes aplikacionit E-HRJ.