Më datë 3 qershor 2025, Universiteti “Ukshin Hoti” Prizren priti në një vizitë zyrtare një delegacion nga Universiteti “Aleksandër Xhuvani” i Elbasanit, i kryesuar nga Rektorja Prof. Elvira Fetahu. Delegacioni përfshinte Drejtoreshën Juridike dhe të Këshillimit të Karrierës, si dhe përfaqësuese të stafit akademik nga Fakulteti i Shkencave Humane.
Gjatë takimit me menaxhmentin e UPZ-së, u diskutuan mundësitë për thellimin e bashkëpunimit ndërinstitucional në fusha të ndryshme akademike dhe shkencore. Palët u dakorduan për zhvillimin e projekteve të përbashkëta kërkimore, organizimin e konferencave dhe aktiviteteve shkencore, si dhe nxitjen e shkëmbimeve të stafit akademik dhe studentëve.
Ky takim vjen si rezultat i përpjekjeve të përbashkëta për të ndërtuar ura bashkëpunimi mes institucioneve të arsimit të lartë në hapësirën shqipfolëse dhe për të forcuar ndërlidhjen akademike në shërbim të cilësisë në arsim dhe kërkim shkencor.
- Reklama -
Vizita u karakterizua nga një frymë miqësore dhe bashkëpunuese, duke hapur rrugën për një partneritet afatgjatë mes dy universiteteve.
- Reklama -