Kryeministri në detyrë i Kosovës, Albin Kurti, priti sot ambasadorin William Walker, ish-shef i Misionit Verifikues të OSBE-së.
Sipas njoftimit nga Qeveria, në takim është biseduar për zhvillimet e fundit në vend, rezultatet e zgjedhjeve, punën e institucioneve dhe sfidat e vendit e të rajonit.
- Reklama -
Gjithashtu Kurti e ka falënderuar ambasadorin Walker për rolin e tij historik për popullin e Kosovës.
“Kryeministri u shpreh si gjithmonë i lumtur që ta takojë e të bashkëbisedojë me ambasadorin Walker, të cilin e falënderoi për rolin e tij historik për popullin tonë dhe angazhimin e vazhdueshëm në mbështetje të së vërtetës dhe drejtësisë”, thuhet në njoftim.
- Reklama -