Lidhja Demokratike e Kosovës pritet që të mblidhet gjatë ditës së sotme.Gazeta Blic nga burime të saja ka marrë vesh se në këtë mbledhje do të flitet për humbjen e pësuar nga kjo parti në zgjedhjet e djeshme.“Pritet të mblidhet Kryesia e LDK-së. Ende nuk dihet saktësisht se do të diskuothet, por sipas të gjithas gjasave do të ketë edhe marrje të përgjegjësisë”, tha ky burim i Gazeta Blic, pa saktësuar nëse pritet dorëheqje apo jo e Isa Mustafës nga kreu i partisë.
Ndryshe, dje LDK ka marrë rezultatin më të dobët në historikun e saj, prej se ekziston me vetëm 13 për qind.Të dielen pas përfundimit të zgjedhjeve, Mustafa ka reaguar përmes një statusi.“Miq të nderuar, në ditët në vijim, do të bëjmë një analizë të thellë të zgjedhjeve. Z. Hoti ka bërë një punë të shkëlqyeshme si Kryeministër por edhe gjatë fushatës. Çfardo të jetë, LDK e respekton rezultatin e zgjedhjeve. Ne do të bëjmë ndryshimet e nevojshme dhe LDK do të punojë shumë që të rikthehet dhe ta sendërtojë vizionin e saj rugovian për vendin. IM”, ka shkruar ai.