Një delegacion i Asamblesë Kombëtare të Francës qëndroi në Kosovë nga data 7 deri më 10 prill për të zhvilluar një vizitë informuese lidhur me dialogun Kosovë-Serbi.
Delegacioni, i përbërë nga deputetët Marine Hamelet, Frederic Petit, Pierre Pribetich dhe Jean-Louis Roumegas, pati mundësinë të zhvillojë takime me udhëheqës të lartë të Kosovës, përfshirë Presidenten Vjosa Osmani, Kryetarin e Kuvendit në detyrë Glauk Konjufca, Kryeministrin në detyrë Albin Kurti, si dhe liderët e LDK-së dhe PDK-së, Lumir Abdixhiku dhe Memli Krasniqi.
Përveç takimeve me udhëheqës politikë, delegacioni francez zhvilloi diskutime edhe me përfaqësues të shoqërisë civile dhe mediave kosovare, duke përfshirë ata të grupeve shqiptare dhe serbe.
Po ashtu, ata patën një takim me peshkopin e dioqezës Raška-Prizren të Kishës Ortodokse Serbe, Teodosije, për të diskutuar aspekte të rëndësishme të situatës aktuale në Kosovë.
Vizita e delegacionit të Asamblesë Kombëtare të Francës gjithashtu përfshiu takime me Komandantin e KFOR-it, gjeneralin Enrico Barduani, si dhe Shefin e Misionit EULEX, Giovanni Barbano, për të diskutuar mbi situatën e sigurisë dhe rolin e institucioneve ndërkombëtare në Kosovë.
/GazetaSinjali/