Kryeministri në detyrë Albin Kurti ka njoftuar se Kosova i është bashkuar Procesit Pall Mall si shtet mbështetës i Kodit të Praktikave për Shtetet në kuadër të këtij procesi.
Ky proces është iniciativë e përbashkët e Mbretërisë së Bashkuar dhe Francës, për të bashkuar vendet demokratike të përkushtuara për ta adresuar përhapjen dhe përdorimin e papërgjegjshëm të kapaciteteve komerciale për ndërhyrje kibernetike.
- Reklama -
“Me mbështetjen e këtij Kodi, Kosova i bashkohet një koalicioni në rritje të vendeve demokratike që punojnë për të siguruar që mjetet kibernetike të përdoren në përputhje me të drejtën ndërkombëtare dhe standardet për të drejtat e njeriut”, ka shkruar Kurti në Facebook të shtunën.
- Reklama -