Ndonëse kanë kaluar gjashtë muaj që kur ka hyrë në fuqi të paga minimale në Kosovë prej 350 euro bruto, punëtorët teknik të shkollave të mesme në Drenas, ende marrin pagë 237 euro neto.
Kështu ka njoftuar Sindikata e Pavarur e Sektorit Privat të Kosovës, sipas së cilës, çdo punëtorë deri më tani është i dëmtuar për 558 euro.“Federata jonë njoftoi me kohë Inspektoratin e Punës dhe Drejtorin e arsimit të Drenasit, Muhamet Gjoka, por deri më tani asgjë përmirësuese. Ne tani jemi në përgatitje për fillimin e grevës deri në rritjen e pagës 405 euro”, ka njoftuar kjo sindikatë.
Paga minimale në Kosovë ndryshoi nga 1 tetori i vitit 2024. Nga kjo datë, paga më e vogël që punëdhënësit mund t’i paguajnë punonjësit është 350 euro bruto.Paga e re minimale do t’i prekë rreth 150.000 të punësuar, të cilët punojnë me paga më të ulëta se 350 euro, kryesisht në sektorin privat, sipas Kurtit dhe ministrit të Financave të Kosovës, Hekuran Murati.
Shteti – Paga minimale bruto
Luksemburgu 2.571
Holanda 2.134
Belgjika 2.070
Gjermania 2.054
Franca 1.767
Spanja 1.323
Sllovenia 1.254
Greqia 968
Kroacia 840
Republika Çeke 755
Rumania 743
Hungaria 675
Turqia 568
Serbia 544
Maqedonia e Veriut 542
Mali i Zi 533
Bosnje e H.* 486
Bullgaria 477