Sekretari i Jashtëm i Mbretërisë së Bashkuar, David Lammy, ka mbërritur në Kosovë të martën.
Lammy është pritur nga ministrja e Jashtme e Kosovës, Donika Gërvalla-Schwarz.
Në një postim në platformën “X”, ambasadori i Britanisë në Kosovë, Jonathan Hargreaves, ka njoftuar për mbërritjen e Lammyt.
- Reklama -
“Jam i lumtur të mirëpres në Kosovë, sekretarin e Jashtëm të Mbretërisë së Bashkuar, David Lammy. Ai është pritur nga ministrja e Jashtme në detyrë, Donika Gërvalla-Schwarz”, ka shkruar Hargreaves.
Lammy do të takohet në mëngjesin e të mërkurës me presidenten e Kosovës, Vjosa Osmani. Takimi mes tyre do të nisë nga ora 8:25, ndërsa pas takimit do të ketë prononcim për media, ka njoftuar Presidenca.
- Reklama -