Kreu i LDK-së, njëherësh kandidati i LDK-së për kryeministër, Lumir Abdixhiku, është takuar me kandidatin e PDK-së për kryeministër, Bedri Hamza.Kështu bëjnë të ditur burime të Gazeta Blic.
Në takim Abdixhiku e Hamza kanë diskutuar për mundësinë e një bashkëpunimi për qeveri të partive opozitare.Por, nga takimi nuk duket se është arritur ndonjë pajtim.
Përveç me Hamzën, burimet po ashtu tregojnë për Gazeta Blic se Abdixhiku ditë më parë është takuar edhe me kreun e PDK-së, Memli Krasniqin.LDK kishte dhënë qëndrimin se nuk futen në qeveri afatshkurtër që mund të zgjasë disa muaj, e as në qeveri që nuk e kanë postin e kryeministrit.
Kështu kishte bërë të ditur kreu i LDK-së në konferencën për media pas mbledhjes së kryesisë.Ndërsa, Hamza në një intervistë televizive kishte thënë se ishte i hapur që të ulen dhe të diskutojnë.
Derisa takimet e deritanishme nuk kanë dhënë fryte, mbetet të shihet për takime të tjera në vazhdim.Ndryshe, kujtojmë që Lëvizjes Vetëvendosje si parti e parë i takon e drejta për ta formuar qeverinë, e nëse nuk arrin, atëherë e drejta i kalon partisë së dytë, në këtë rast PDK-së./Gazeta Blic/