Sekretari i Përgjithshëm i NATO-s, Mark Rutte, ka njoftuar për një bisedë telefonike që e ka pasur me presidentin e SHBA-së, Donald Trump.
Biseda vjen në një kohë sfiduese për aleancën veri-atlantike, ku Trump ka bërë deklarata sfiduese për vendet e Bashkimit Evropian, duke kërkuar nga to më shumë investim në mbrojtje – si dhe Bashkimi dhe SHBA-ja kishin rezoluta të ndryshme për qasjen ndaj luftës në Ukrainë.
Për këtë, Rutte thotë se aleatët po lëvizin shpejt për të investuar më shumë në mbrojtje.
“E mrekullueshme për të folur me Donald Trump. SHBA dhe NATO po forcohen. Aleatët e NATO-s po lëvizin shpejt për të investuar më shumë në mbrojtje. Njoftohen rritje të mëdha dhe të tjera që do të pasojnë. Për Ukrainën, aleatët po përgatisin miliarda të tjera ndihmë + kontribute për garancitë e sigurisë”, ka shkruar ai “X”.
Great to talk with @realDonaldTrump
US & NATO are getting stronger. NATO Allies are moving quickly to invest more in defence. Big increases announced & others to follow.
On Ukraine, Allies are preparing billions more in aid + contributions to security guarantees. pic.twitter.com/d4zxbkGhsD— Mark Rutte (@SecGenNATO) February 27, 2025