Pas namit të mirë të dalë gjatë 2023-shit, shoqëruar nga kurioziteti që vijoi edhe gjatë vitin e shkuar… në Shqipëri po vijnë më shumë turistë edhe këtë fillim-muaj. Të dhënat nga Instituti i Statistikave tregojnë se muajin e shkuar vendin e vizituan mbi 560 mijë të huaj, në rritje me 14.5 për qind krahasuar me janarin e një viti më parë.
“Tashmë mund të themi se kemi turizëm gjithëvjetor. Kemi kaluar nga sezonaliteti dhe kemi një industri të mirëfilltë”, u shpreh Herida Duro, drejtore e Zhvillimit tw Turizmit.
Pjesa më e madhe e atyre që vizituan vendin në janarin ishin pushues evropianë, ndjekur nga ata Shtetet e Bashkuara të Amerikës, Amerika, Azia dhe Afrika.
“Ajo që në fakt do të vijojnë të duam sërish është që të kemi një sezon ose një turizëm gjithëvjetor, i diversifikuar në ofertë. I shtrirë në territor, në kohë dhe mbi të gjitha i vlerësuar dhe i ofruar një standard e profesionalizëm të qëndrueshëm për infrastrukturën turistike”, tha Duro.
Duke mësuar nga gabimet e së shkuarës, me udhërrëfyes eksperiencën e vendeve të suksesshme, vendi ndërkohë po ndryshon qasje në drejtim të turizmit, duke synuar më tepër para se sa numra të huajsh.
“Ne synojmë të jemi në krye të Barometrit të “UN Tourism” ashtu siç kemi qenë të vlerësuar vitet e fundit për shkallën më të lartë të rritjes”.
Të dhënat nga Ministria e Turizmit dhe Mjedisit tregojnë se vitin e shkuar vendin e vizituan 11.7 milionë pushues të huaj nga 10.1 milionë të tillë në 2023-shin. Rritja përllogaritet me 1.6 milionë apo 15.8 për qind. E njëjta pritet të ndodhë edhe këtë vit.