Kryeministri Albin Kurti ka njoftuar se janë në process të finalizimit të marrëveshjeve për njohjen e ndërsjellët të patentë-shoferëve edhe me Kanadanë dhe Turqinë.
Deri tani Kosova ka marrëveshje të tilla me Gjermaninë, Italinë dhe Austrinë. Gjatë mbledhjes së Qeverisë, Kurti bëri me dije se që nga hyrja në fuqi e marrëveshjes me Gjermaninë rreth 30 mijë mërgimtarë kanë konvertuar patentë-shoferët.
Kurti tha se ky është një prej lehtësimeve më të mëdha që ka bërë vendi për mërgatën, duke theksuar se përveç se kjo ndikon në uljen e shpenzimeve dhe u kursen kohën, mundëson edhe integrim më të shpëjtë në tregun e punës.
“Nga muaji i kaluar ka hyrë në fuqi marrëveshja me Italinë për njohjen e patentë-shoferëve, ndërkohë nga muaji i ardhshëm hynë në fuqi në Austri. Pas Gjermanisë, Italisë dhe Austrisë, në proces të finalizimit të njohjes së ndërsjelltë të patentë-shoferëve, jemi edhe me Kanadanë dhe Turqinë”, ka deklaruar Kurti.