Në Maqedoninë e Veriut është hapur dega e shoqatës “Jetimat e Ballkanit”, në krye me drejtorin Shkëlqim Ukshini.
Këtë e ka bërë të ditur humanisti Halil Kastrati përmes rrjetit social Facebook.
Njoftimi i plotë:
Për shkak të numrit të madh të donatorëve shqiptarë nga Maqedonia e Veriut dhe për t’ua lehtësuar atyre dhurimet, kemi hapur zyrtarisht degën e shoqatës sonë atje.
Në foto gjeni të dhënat zyrtare të Shoqatës “Jetimat e Ballkanit” në Maqedoninë e Veriut.
Në ditët në vijim do t’ju njoftojmë edhe për përbërjen e kryesisë, me në krye drejtorin e degës, Shkëlqim Ukshini, si dhe një numër kontaktues për degën tonë atje.