Komiteti për Komunitete në Malishevë shqyrton planin e punës për vitin vijues

Komiteti për Komunitete në Malishevë, nën drejtimin e kryesuesit Amrush Helshani, mbajti sot mbledhjen e parë për këtë vit.

“Sot, në mbledhjen e parë për këtë vit, përveç trajtimit të çështjeve të zakonshme, u shqyrtua edhe plani i punës për vitin vijues. Anëtarët paraqitën propozime të ndryshme, të cilat do të përfshihen në planin e punës që pritet të miratohet në mbledhjen e ardhshme”, thuhet në njoftimin e komunës.