Doc. Dr. Xhevat Hasani me bashkëshorten Dashurije Hasani nga Prizreni, me banim të përkoshme në Zvicërr, kanë dhuruar donacionin me 10 kondicionerë për repartin e pediatrisë në Spitalin e Përgjithshëm ”Prim. Dr. Daut Mustafa” në Prizren.
Donacioni është pranuar nga Dr. Fatmire Braha, shefe e repartit të Pediatrisë. Dr. Hasani shprehu kënaqësinë për këtë kontribut, duke theksuar rëndësinë e krijimit të kushteve sa më të mira për fëmijët e hospitalizuar.
“Ky donacion dhurohet me motivin që fëmijët e hospitalizuar në repartin e Pediatrisë të kenë kushte dhe ambient sa më të mirë dhe të përshtatshëm termik, varësisht nga temperaturat dhe stina e vitit.
Ne jemi të lumtur që na është dhënë mundësia për të dhuruar këtë donacion”, – tha dr. Hasani, duke falënderuar menaxhmentin e spitalit, veçanërisht drejtoreshën ekzekutive Dr. Narqize Arënliu Hoxhaj dhe shefen e repartit të pediatrisë, Dr. Fatmire Braha për mbështetje në realizimin e këtij projekti Dr. Fatmire Braha, në emër të drejtoreshës ekzekutive dhe repartit të pediatrisë, ka falënderuar çiftin Hasani për donacionin e dhuruar, i cili ka një rëndësi të veçantë në krijimin e një ambienti sa më të mirë për fëmijët e hospitalizuar në spital.
Kondicionerët janë vendosur në repartin e pediatrisë dhe menjëherë janë vënë në funksion dhe shërbim të pacientëve të hospitalizuar në repartin e pediatrisë