Një person nga Wisconsin pranoi të deklarohet fajtor për ndërhyrje në doza të vaksinës Moderna COVID-19 në fund të muajit dhjetor.
Ai përballet me dy akuza për përpjekje që të ndërhyjë në produktet e konsumit me shpërfillje të pamatur për rrezikun që një person tjetër do të vendoset në rrezik vdekjeje ose dëmtimit trupor.
Të dytë përbëjnë një dënim maksimal prej 10 vjetësh burgim dhe një gjobë prej 250 mijë dollarësh.
Farmacisti 46-vjeçar, Steven Brandenbur, më parë punonte në turn nate në Qendrën Mjekësore Aurora në Grafton Wis. Ndërsa në mbrëmjen e 24 dhe 25 dhjetorit, ai hoqi një kuti specifike të vaksinës Moderna nga frigoriferi i farmacisë për disa orë.
Brandenburg, i cili i ka kaluar 23 vjetët e fundit si një farmacist i licencuar, e dinte se kjo do t’i bënte vaksinat inerte ose më pak efektive.
Pesëdhjetë e shtatë individë në qendrën mjekësore morën doza të vaksinës që Brandenburg thuhet se i kishte “ngatërruar”. Është ende e pa qartë nëse këto doza u bënë joefektive.
“Farmacistët renditen në mesin e profesionistëve më të besuar”, tha Agjenti Special i FBI-së, Milwaukee.
“Ky individ përdori qasjen e tij të posaçme për të ndërhyrë në këtë vaksinë që është aq e nevojshme për njerëzimin. FBI i merr shumë seriozisht pretendimet e manipulimit të produkteve të konsumatorit dhe do të përdorë të gjitha burimet e disponueshme për të sjellë para drejtësisë ata që qëllimisht vendosin shëndetin e publikut në rrezik”.
Brandenburg gjithashtu përballet me një akuzë shtetërore për kundërvajtje dhe momentalisht është i lirë teksa pret procedurat e mëtejshme të hetimit të këtij rasti.