Ushtarë polakë të KFOR-it kanë kryer një patrullim të sinkronizuar me forcat e armatosura serbe përgjatë vijës kufitare mes Kosovës dhe Serbisë.
Vendi ku u krye ky patrullim ishte në zonën e komunës së Podujevës.
KFOR në njoftimin për media bëri të ditur se këto përpjekje janë pjesë e misionit të përditshëm për të mbështetur sigurinë e qëndrueshme në mbarë Kosovën dhe stabilitetin rajonal.
KFOR-i njoftoi se vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar për një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
Ushtarët polakë të KFOR-it gjatë patrullimit të sinkronizuar me forcat e armatosura serbe përgjatë dy anëve të kufirit – Foto: KFOR/Facebook
