Gjykata e Prizrenit më datë 16.09.2024 ka shpallur fajtor të pandehurin Enis Tamnik, i akuzuar se ka goditur me veturë Hajrush Behlulin, bashkëshortin e këngëtares Shkurte Fejza.
Tamnik është dënuar me burgim në kohëzgjatje prej 6 muajve, i cili dënim nuk do të ekzekutohet në periudhë verifikimi prej 1 viti.
Duhet potencuar se i pandehuri në fjalë e ka pranuar fajësinë.
Kurse, nga mbrojtësi i të pandehurit Enis Tamnik, avokati Blend Gjini është theksuar se ata nga fillimi kanë argumentuar nëpërmjet fakteve se çështja si kjo ishte vetëm një pakujdesi në komunikacion e të mbrojturit Enis Tamnik dhe që asgjë nuk ka qenë e qëllimshme apo ndonjë skenar i parapërgatitur, ndryshe nga propagandat dhe dezinformatat në publik, të cilët kësaj çështjeje kanë dashur të i japin kuptim dhe konotacion tjetër.
