Me propozim të Lidhjes Demokratike të Kosovës në Prizren, sot në Kuvendin Komunal të Prizrenit, u votua që në kryeqyetin shpirtërorë të shqiptarëve, të vendoset shtatorja e Presidentit historik Dr. Ibrahim Rugova, ka shkruar në facebook kryetari i LDK në Prizren, Driton Selmanaj.
“Shtatorja e Presidentit Rugova në “Sheshin e Lidhjes” do të formësojë arkitekturën historike dhe vlerave të mëdha kombëtare, që bartë qyteti i Lidhjes së Prizrenit. Faleminderit për projektin ideor, të punuar në mënyrë shumë profesionale nga arkitektja prizrenase Ajlin Shishko.”, ka njoftuar Selmanaj.
- Reklama -
- Reklama -