Kryetari i komunës së Prizrenit, Shaqir Totaj, sot ka pritur në takim zyrtarët e institucioneve që ishin pjesë e shtabit emergjent gjatë zjarreve të fundit në Prevallë.
Kryetari Totaj gjatë takimit falënderoi secilin për angazhimin, sidomos KFOR-in, roli i të cilit ishte vendimtar me intervenim nga ajri.
“Të nderuar bashkëqytetarë, luteni që të tregoni kujdes të shtuar gjatë qëndrimit në natyrë dhe të bëni gjithçka që është e mundur për t’i shmangur problemet eventuale me zjarrin në male”, theksoi me këtë rast tutje Totaj.
