Shërbimi i Kërkimi-Shpëtimit Malor të Kosovës ka dal me disa këshilla si të bëhet menaxhimi i rrezikut gjatë vetëtimave.
Në njoftim bëhet e ditur se se gjatë vetëtimave duhet shmangur: Drunjtë e mëdhenj, rrugët ujore, shtyllat elektrike etj.
Më poshtë mund ta lexoni postimi e plotë:
Menaxhimi i rrezikut gjatë vetëtimave.
Stuhitë në bjeshkë janë një përvojë emocionuese, përderisa jeni të sigurt brenda një strehe ose shtëpisë bjeshkatare. Megjithatë, kur në ambient të hapur, na zë stuhia me rrebesh të shiut, breshër dhe vetëtima, atëherë të gjithë pendohemi që nuk jemi kthyer me kohë. Në qoftë se kjo ndodh, qasja më e mire është shmangia e zonave të rrezikshme duke pritur që stuhia të qetësohet. Edhe pse, është taktikë më e mire, që të planifikohet më përpara, në menyrë që të arrini të sigurt para stuhisë
– Mbrojtje nga goditjet e drejtpërdrejta të rrufesë
– Mbrotja nga rrymat tokësore, të shkaktuara nga goditja e rrufesë
– Mbrojtja nga goditjet e drejtpërdrejta të rrufesë
Gjërat që duhet shmangur
– Drunjtë e mëdhenj, të vetëm.
– Shtyllat elektrike dhe teleferikët.
– Rrugët ujore.
– Majat, kreshtat dhe të çarat.
– Objektet nga metali (p.sh. via ferrata, kabllot, shkallët).
Strehohuni dhe qëndroni galiç nën një pikë e cila është afërsisht 10 herë me e lartë se ju. Uluni në litar (nëse është i terur) ose në çantën e shpinës, rreth 2 metra nga faqja e shkëmbit. Mos u mbështetni në shkëmb.
Edhe në qoftëse jeni ulur galiç, relativisht larg nga pika më e lartë, rryma elekrike e cila kalon nëpër tokë, mundet ende të ju godasë.
Rrymat e tilla tokësore, kanë prirje që të kërcejnë depresionet e vogla malore, të udhëtojnë përgjatv pikave më të ulëta të strehëve shkëmbore, të përcjellin të çarat vertikale etj.
Mbrohuni nga rrymat tokësore duke mos u strehuar nën strehët e vogla shkëmbore ose në depresionet e vogale malore dhe të çarat vertiklale. Ngjashëm, strehohuni në shpellë, vetëm nëse mund të uleni së paku një metër larg nga muri I prapmë dhe njëkohësisht të zvogëloni kontaktin me tokën (izolohuni duke u ulur mbi litar dhe / ose në rroba.
Para çdo aktiviteti ju lusim ti shikoni paralamerimet nga Instituti HIdrometereorlogjik i Kosovës (https://ihmk-rks.net ) apo platformat dhe aplikacionet e ndryshme për parashikimin e motit ( Windy, Meteoblue, etj )
