Komandanti i KFOR-it, gjeneral-majori Ozkan Ulutash, është takuar me ushtarët letonë të KFOR-it që po patrullonin dhe ishin në detyrë te Liqeni i Ujmanit.

KFOR-i ka thënë se po monitoron nga afëri çdo zhvillim të sigurisë.

“Gjeneral-majori Ulutash ka shprehur vlerësimin e tij për ushtarët letonë për kontributin e vazhdueshëm ndaj angazhimeve të KFOR-it”, thuhet në komunikatën e KFOR-it.

Të dielën në afërsi të Liqenit të Ujmanit është hedhur mjet shpërthyes ku si pasojë janë dëmtuar dy vetura.

Në hetimet për shpërthimin u gjetën një veturë dhe tri radiolidhje në një vend në zonën e Zubin-Potokut./KOHA/