Komuna e Prizrenit, përmes një postimi në Facebook, ka bërë të ditur se qendra sportive në fshatin Medvec është drejt përfundimit, duke ndarë pamjet e fundit të kësaj qendre gjatë vizitës së drejtorit për Kulturë, Rini dhe Sport, Adem Morina.
Sipas njoftimit të komunës, kjo qendër do të ofrojë një hapësirë moderne për zhvillimin e sporteve të ndryshme, trajnimeve dhe ngjarjeve rekreative.
“Qendra Sportive në fshatin Medvec drejt përfundimit, qendër e cila do të ofroj një hapësirë moderne për sporte të ndryshme, trajnime dhe ngjarje rekreative.”, thuhet në njoftimin e komunës./TVPrizreni/
