Sot Shtabi Komunal i Emergjencave në komunën e Dragashit ka mbajtur mbledhjen e tretë pas vërshimeve në fshatrat Kuk, Kosavë, Bresanë, Kuklibeg dhe Zaplluxhe.
Pjesë e takimit ishte dhe kryetari i Dragashit, Bexhet Xheladini, kurse përmes telefonit raportoi edhe drejtori i IKSHPK-së në Prizren, i cili theksoi se IKSHPK pritet të dalë me rezultatet e analizave të ujit, për të konstatuar nëse mund të përdoret uji për pije.
Në këtë takim u bë e ditur se Komisioni Komunal ka bërë vlerësimin e dëmeve të shkaktuara në infrastrukturë publike dhe se kërkesa me raportin e këtij Komisioni, përmes ministrit të MAPL-së, do t’i dërgohet Qeverisë dhe Zyrës së Kryeministrit.