Përfaqësuesit e vendeve anëtare të BE-së do të diskutojnë sot në Komitetin Politikë dhe të sigurisë (PSC) për heqjen e masave ndaj Kosovës në bazë të raportit që ua ka dërguar dje Përfaqësuesi i lartë i BE-së për Politikë të Jashtme dhe Siguri.

KOHA mëson se Borrell në raportin e tij i ka përshkruar hapat që ka ndërmarrë Kosova, duke i krahasuar me kërkesat specifike të BE-së nga qershori i vitit 2023, dhe në fund ka rekomanduar që Këshilli të marrë qëndrimin për heqjen e masave.