*Drejtoria Rajonale e Policisë në Prizren, gjegjësisht sektori rajonal i hetimeve në kuadër te DRP Prizren, në koordinim me Prokurorinë e shtetit, me datë: 27.05.2024 ka publikuar fotografitë e personave në kërkim.
Personat kërkohen , për veprën penale Vrasje e rende ne tentative’, ‘Lëndim i rendë truporë’, ‘Mbajtje ne pronësi, kontroll apo posedim te paautorizuar te armeve’ dhe ‘Pjesëmarrje ne rrahje’ e cila ka ndodhur me 22.05.2024 në fshatin Krajk dhe Gjonaj të Prizrenit.
Pas publikimit te fotove, të dyshuarit sot me datë: 03.06.2024 rreth orës 14:40 janë vete dorëzuar në sektorin e hetimeve rajonale ne Prizren.
- Hajdin Zenel LIKAJ 13.05.1971, , Fshati Krajk komuna e Prizrenit
- Hajdar Abedin LIKAJ 22.07.1981, Fshati Krajk komuna e Prizrenit
Hetuesi policor gjate hetimit te rasti ne cilësinë e provave materiale kanë arritur të gjejnë dhe të sekuestrojnë një revole (pistoletë revolver) me mbishkrim 357 MAGNUM, me numër serik 72032 dhe dy fishekë kalibër i panjohur , për te cilën dyshohet se është përdorur.
Të njëjtit në prani të avokatit mbrojtës janë intervistuar.
Në lidhje me këtë është informuar prokurori i rasti, i cili ka lëshuar aktvendim për ndalimin e te dyshuarve për 48 ore .
Sipas njoftimit të Drejtorisë Rajonale në Prizren rasti është ende ndër hetime.