Komuna e Prizrenit ka njoftuar se projekti “Paratë tona, Idetë tona, Prizreni ynë” do të rikthehet edhe këtë vit me më shumë buxhet në komunën e Prizrenit.

Për këtë vit janë përzgjedhur pesë lokalitete të reja, lagja “Ortakoll”, lagja e “Trimave”, si dhe fshatrat Gjonaj, Velezhë dhe Piranë ku mbi gjysmë milion euro do të ndahen në takime për këto vende.

Po ashtu, komuna ka ftuar qytetarët që të marrin pjesë në këto takime për propozime të projekteve të cilat pastaj financohen nga komuna.