Ministria e Punëve të Brendshme (MPB) ka marrë vendimin që mundëson kalimin nga patentë shoferi i lëshuar nga institucionet jolegale serbe në Kosovë, në ato zyrtare, të lëshuara nga institucionet e Republikës së Kosovës.

Kalimi në patentë shofer RKS nuk kërkon përsëritje të dhënies së provimit për fitim të patentë shoferit.

Në njoftimin e Zyrës së Kryeministrit thuhet se kalimi në patentë shofer të RKS, mundëson regjistrimin e lehtë dhe praktik të automjeteve.

Për të marrë patentë shoferin e Kosovës secili qytetar duhet të dorëzojë aplikim në Qendrën për Pajisje me dokumente, përfshirë: letërnjoftimin, origjinalin e patentë shoferit të lëshuar nga ana e autoriteteve serbe, certifikatën e gjendjes shëndetësore për pajisje me patentë shofer, dëshmi të pagesës së taksës, dhe origjinalin e patentë shoferit të lëshuar nga UNMIK apo RKS në qoftë se bëhet aplikimi për shtimin e kategorive, gjë e cila po ashtu thuhet se është mundësuar përmes këtij vendimi të MPB-së.