Krerët institucionalë kanë bërë nderime në shënimin e 16-vjetorit të Pavarësisë së Kosovës.
Ata janë ndalur për nderime fillimisht te Monumenti i të Pagjeturve e më pas kanë vazhduar homazhet te varri i ish-presidentit Ibrahim Rugova dhe tek ai i veprimtarit Adem Demaçi.
Përveç presidentes, kryeparlamentarit dhe kryeministrit, në nderime kanë marrë pjesë edhe ministrat qeveritarë.
Bëhet ngritja solemne e flamurit në 16-vjetorin e Pavarësisë
Krerët e shtetit kanë ngritur flamurin e Kosovës në oborrin e Qeverisë së Kosovës në nder të 16-vjetorit të Pavarësisë së Kosovës.
Të pranishëm në këtë ceremoni ishin presidentja Vjosa Osmani, kryeparlamentari Glauk Konjufca, kryeministri Albin Kurti, dhe gjenerallejtënant Bashkim Jashari.
Gjithashtu në ceremoni kanë marrë pjesë edhe disa ministra të Qeverisë.