Kryetari komunës së Prizrenit, Shaqir Totaj, pasditen e sotme ka emëruar Ramadan Tarashajn drejtor të ri të Drejtorisë së Turizmit dhe Zhvillimit Ekonomik, pasi ditë më parë nga kjo pozitë ka dhënë dorëheqje Lirije Bytyqi.

“Emërova sot Ramadan Tarashajn drejtor të ri të Drejtorisë së Turizmit dhe Zhvillimit Ekonomik, i cili është biznesmen e magjistër i ekonomisë si dhe i gatshëm të ballafaqohet me sfida dhe përgjegjësi, për ta mbrojtur interesin publik.

z.Tarashaj i dëshiroj mirëseardhje në ekipin tonë dhe punë të mbarë gjatë këtij rrugëtimi në shërbim të qytetarëve të Komunës së Prizrenit!”, ka shkruar kryetari Totaj.