Kryetari i komunës së Prizrenit, Shaqir Totaj, u ka uruar qytetarëve mëngjes të mirë duke ndarë pamje nga fshati Korishë i Prizrenit. Ai ka thënë se pamja e mahnitshme e gjelbërimit në bjeshkët e Kabashit e bënë këtë fshat një destinacion të mrekullueshëm për dashamirët e qetësisë dhe bukurive natyrore.

”Mirëmëngjesi nga fshati i mrekullueshëm, Korisha!

E vendosur nën hijen e bjeshkëve të Sharrit, Korisha është e famshme për ujin e kthjellët që rrjedh nëpër këtë zonë. Pamja e mahnitshme e gjelbërimit në bjeshkët e Kabashit e bënë këtë fshat një destinacion të mrekullueshëm për dashamirët e qetësisë dhe bukurive natyrore. Banorët e Korishës janë të përkushtuar, të organizuar e punëtorë, që përhapin një kulturë të fuqishme të dashurisë ndaj vendit të tyre.

Ky fshat është një vend i vlefshëm për ta vizituar dhe eksploruar.”, ka shkruar Totaj në Facebook./TVPrizreni/