Lidhja Demokratike e Kosovës – dega në Prizren ka bërë të ditur se Behar Begaj është zgjedhur për të katërtën herë kryetar i Nëndegës së dytë të degës së LDK – së në Zhur, me anë te votave anonime të pjesëmarrësve në takim.

Gjatë këtij takimi u zgjodhën edhe 23 delegatë të Nëndegës për zgjedhjen e kryetarit të ri, kryesia e Nëndegës, ku si nënkryetar u zgjodh Artan Rizanaj dhe për sekretar u zgjodh Durim Elezkurtaj, si dhe zgjodhën kryesinë e Nëndegës së dytë.

Kryetari Begaj falenderoi të gjithë të pranishmit dhe kërkoi bashkëpunim nga të gjithë për ta rikthyer degën e LDK – së në Zhur dhe atë në Prizren, aty ku e meriton – në udhëheqje të Prizrenit./TVPrizreni/