Disa zjarrfikës nga Prizreni, të shoqëruar nga drejtoresha për Emergjenca dhe Siguri, Ramize Sinanaj- Shala, ndodhen për trajnime në Gjermani, ndërsa së shpejti pritet të pajisen me një donacion të rëndësishëm nga komuna e binjakëzuar e Bingenit me një automjet me shkallë në lartësi 30 metër, ka njoftuar drejtoresha, Sinanaj Shala, në llogarinë e saj në facebook.

“Dita e parë e trajnimit… Zjarrfikësit prizrenas së shpejti do të marrin donacion një automjet me shkallë rrotulluese me gjatësi 30m.

Falënderojmë kryetarin e Bingenit, z.Tomas Feser ,për donacionin si dhe kryetarin Shaqir Totaj që është i përkushtuar për të bërë më të mirën për qytetarët e Prizrenit. Vazhdojmë me punë të mira….”, ka shkruar drejtoresha, Sinanaj – Shala.