Komuna e Prizrenit përmes faqes së saj zyrtare ka njoftuar se në rrugën afër stacionit të autobusëve janë duke vazhduar punimet për asfaltimin e saj.

Sipas tyre, asfaltimi i kësaj rruge pjesëtarëve në komunikacion u mundëson shmangien e të bërit me makinë gjithë unazën kryesore rrugore të qytetit për të arritur në destinacione të ndryshme.

“Bazuar në kërkesat e qytetarëve dhe amortizimit të asfaltit, ka qenë i domosdoshëm intervenimi në këtë pjesë, pasi ky segment zvogëlon distancat brenda Prizrenit, por, edhe ofron dalje nga qyteti më shpejt”, thuhet tutje në postimin e komunës.