Ambasadori i Gjermanisë në Kosovë, Jorn Rohde, ka reaguar pas sulmit të djeshëm ndaj gazetarëve në Leposaviq.
Rohde ka thënë se “fatkeqësisht” nuk po sheh ndonjë reagim nga përfaqësuesit e Listës Serbe për ta dënuar këtë akt dhune.
“Brutaliteti i kësaj skene është tronditës. Ku duhet të përfundojë kjo? Shumë e kanë dënuar këtë akt të papranueshëm dhune, por fatkeqësisht deri më tani nuk shoh asnjë reagim nga përfaqësuesit e SL-së mes tyre. Pse? Të gjithë duhet të bëjnë pjesën e tyre për të de-eskaluar situatën” – ka shkruar ambasadori gjerman.
Nëntë gazetarë në Leposaviq janë sulmuar dhe se disa prej tyre përveç shqetësimeve kanë pësuar edhe lëndime të ndryshme trupore, si dhe kanë pranuar tretman mjekësor.
