Policia e Kosovës ka arrestuar dy persona në Zveçan, pasi të njëjtit të hënë pas mesnatës po saldonin hekura në objektin e Komunës.
Zëdhënësi i Policisë për rajonin e veriut, Veton Elshani, ka bërë të ditur se me këtë rast kanë sekuestruar edhe një veturë.
“Rreth orës 1 në mëngjes patrullat policore kanë has në dy persona duke punuar në dyert e ndërtesës së komunës së Zveçanit. Për arsye të prishjes se rendit dhe qetësisë publike dhe me qëllim që të kuptohet se çfarë po bëjnë aty, këta dy persona janë sjellë në stacion dhe janë intervistuar. Të njëjtit janë liruar pas intervistimit”, ka thënë ai për Kohën.