Edhe tri vetura të tjera janë djegur sot në mëngjes në veri të Kosovës.
Kjo është bërë e ditur nga Blerim Vela, shef i kabinetit të presidentes Vjosa Osmani.
Vela e ka cilësuar këtë akt si vazhdim i fushatës kriminale, ku strukturat ilegale të Serbisë po synojnë serbët vendas që ata i konsiderojnë si bashkëpunues me institucionet e Kosovës.
“Vazhdon fushata kriminale e djegies së veturave në veri të Kosovës! Tre makina të tjera janë djegur sot herët në mëngjes. Strukturat ilegale të Serbisë tani po synojnë serbët vendas që ata konsiderojnë se po bashkëpunojnë me institucionet e Kosovës.Çdo autor do të dalë para drejtësisë!”, ka shkruar Vela në Twitter.
Ndryshe, ditëve të fundit ka pasur raportime të shpeshta për djegie të veturave në veri të vendit në prag të zgjedhjeve lokale atje. /Zëri/