Të shtunën iu dha lamtumira e fundit 17 vjeçares nga Rogova e Hasit, Rita Gashi.
Familjarë, shokët e shoqet e profesorët e Ritës e kanë të vështirë të ndahen nga ajo.
Në varrezat e fshatit Rogovë, u bënë lutjetet për Rita Gashin e cila vdiq pas lëndimeve të marra nga aksidenti i ditës së premte në rrugën Prizren – Gjakovë.
Shoqet e shkollës së mesme të mjeksisë “Luciano Motroni” në Prizren e kujtojnë Ritën si njeri të dashur e shoqe të shkëlqyeshme.
“Rita ishte një vajzë shumë e mirë, e cila përveç se ishte një nxënëse shembullore ishte gjithashtu një shoqe shumë e mirë e cila kishte veti tepër të mira e respektueshme e pa fjalë” thotë Agnesa Selmanaj.
Drejtori i shkollës së mesme të mjeksisë “Luciano Motroni” në Prizren, Medi Krasniqi, tha se Rita Gashi ishte e dalluar si nxënëse, e edukuar me mësime të larta.
“Ka qenë kryetare e klasës, ka marrë pjesë në të gjitha aktivitetet qëjanë organizuar në shkollë, ka qenë nxënëse shembullore. Të gjithë mësimdhënësi kishin fjalë të mira pë nxënësen. Kemi ardhur me të gjithë klasën e saj këtu me profesorin Neshat i cili është edhe kujdestar i klasës”, ka thë drejtori Krasniqi për Syri Vizion.
Në aksidentin që ndodhi dje tek udhëkryqi fshatit Rogovë, u lënduan 7 persona .
