Kryesuesja e Kuvendit të Komunës së Prizrenit, Antigona Bytyqi ka thirrur mbledhjen e jashtëzakonshme të Kuvendit të Komunës së Prizrenit për ditën e sotme më datë 6 shkurt 2023, në ora 10:00.
Për seancën e sotme të jashtëzakonshme është caktuar pika e vetme e rendit të ditës, respektivisht shqyrtimi i vendimit për faljen e tatimit në pronë deri në shumën 100 euro për të gjithë tatimpaguesit e Komunës së Prizrenit, për vitin 2023.
- Reklama -
Grupi i kuvendarëve të Lëvizjes VETËVENDOSJE! të martën e javës së kaluar pati dorëzuar kërkesën për seancë të jashtëzakonshme të Kuvendit të Komunës së Prizrenit, për të diskutuar çështjen e tatimit në pronë, përkatësisht faljen në vlerën deri në 100 euro.
- Reklama -