Komuna e Prizrenit, përmes faqes së saj zyrtare, shkruan se, Komisioni Komunal për Vlerësimin e Dëmeve njofton të gjithë qytetarët e Komunës së Prizrenit që pësojnë dëme nga fatkeqësitë natyrore dhe fatkeqësitë e tjera, bazuar në Ligjin nr 04/L-027 për Mbrojtjen nga Fatkeqësitë Natyrore dhe Fatkeqësitë e tjera, Rregulloren nr 17/2015 për Metodologjinë e vlerësimit të dëmeve, Nenit 15, pika 6, ku thuhet se personat juridik apo fizik, kërkesën për vlerësimin e dëmeve duhet ta dorëzojnë në sportelet e Komunës tetë ( 8 ) ditë nga fatkeqësia natyrore apo fatkeqësi të tjera, t’i respektojnë udhëzimet që dëmet t’i deklarojnë brenda afatit ligjor.
Çdo kërkesë jashtë afatit të paraparë me ligj nuk do të shqyrtohet nga komisioni, thuhet në fund të këtij njoftimi.
