Kandidati për kryeministër nga radhët e Lidhjes Demokratike të Kosovës Avdullah Hoti, tha se LDK është mobilizuar për zgjedhje qysh prej shpalljes së vendimit nga Gjykata Kushtetuese më 21 dhjetor 2020.
Ai në Radio Televizionin e Kosovës ka folur edhe për largimin e Vjosa Osmanit nga kjo parti.
Hoti tha se Osmani jashtë Lidhjes Demokratike nuk do të ketë të ardhme politike.
“Edhe një anëtar i thjeshtë të largohet është shumë, e lërë me njëra nga figurat kryesore të partisë. Mirëpo, ajo e ka zgjedhur rrugën e vet dhe ne e vazhdojmë rrugën tonë”.
“Para së të hyja në studion tuaj fola në telefon me zonjen Osmani për datën e zgjedhjeve dhe ende nuk ka datë dhe kjo duhet të diskutohet dhe të vendoset më pas. Kemi komunikim nderinstitucional, edhe pse ajo e ka zgjedhur rrugën e vet politike, tjetër rrugë nga ne”.
“Jam i bindur që ajo jashtë LDK së nuk ka të ardhme politike. E kanë provuar të tjerët, figura të rëndësishme dhe janë kthyer dhe pres që ajo do të kthehet”.
