Në moshën e re këngëtarja latine, Angela Alvarez punonte si një pastruese e një banke në Kolorado për të siguruar jetesën e saj, por tani që është 95-vjeçe ëndrra për t’u bërë e famshme po bëhet realitet.

Alvarez u nominua për një “Grammy Latin” në kategorinë “Artistja e re më e mirë”, shkruan The Washington Post, transmeton Klankosova.tv.

Ajo do të marrë pjesë në ndarjen e çmimeve Latin Grammy 2022 që mbahet më 17 nëntor në Las Vegas me nipin e saj dhe ajo është planifikuar të performojë një prej këngëve nga repertuari i vetë.

Ndërkaq, artistja latine ka thënë se  shpreson që historia e saj t’i mësojë njerëzit që asnjëherë të mos thonë “unë nuk mund ta bëj atë”.