Faqja zyrtare e klubit prizrenas “Liria”, njofton se është rikthyer në këtë skuadër qendërmbrojëtsi me përvojë, Visar Berisha, i cili ka bartur fanelat e klubeve elitare të futbollit kosovar.
“FC Liria ka kënaqësinë të njoftojë nënshkrimin e Visar Berishës, i cili po rikthehet në klubin tonë. Visari, një qendërmbrojtës me përvojë të madhe, sjell me vete eksperiencën e tij të çmuar në klubin tonë.
Më parë ai ka luajtur për klube të njohura si Prishtina, Ballkani, Drenica, Schaffhausen dhe FC interthur duke dëshmuar aftësitë dhe përkushtimin e tij të jashtëzakonshëm për lojën.
E mirëpresim Visarin përsëri te FC Liria dhe presim me padurim kontributet e tij në fushë”, thuhet në fund të njoftimit nga skuadra bardhë e zi./TVPrizreni/
