Videoja që tregon gëzimin e qenushit të vogël
Një qenush i vogël, me gëzof të bardhë, ka vjedhur zemrat e shikuesve në një video, e cila u bë virale e që tregon reagimin e tij kur fqinji i tij erdhi për ta shëtitur, përcjell albinfo.ch.
Theksohet se videoja u shpërnda për herë të parë në Reddit nga MitchMelly, duke treguar një burrë që shkon për të ecur me qenin e fqinjit të tij të moshuar, një Coton de Tulear, shumë i ngazëllyer dhe i lezetshëm.
Mediat e huaja shkruajnë se derisa fqinji arrin, qeni dëgjon zhurma dhe menjëherë fillon të tundë bishtin e tij dhe të shikojë nga dritarja.
Duke tundur bishtin e tij, duke kërcyer lart dhe duke vrapuar, qeni e di saktësisht se sa është ora dhe se është koha e ecjes.
Videoja vazhdon të tregojë se qeni gëzohet gjithnjë e më shumë, duke u përpjekur të ulet me durim, por duke u rrëshqitur në dyshemenë me pllaka duke lëvizur çdo pëllëmbë të trupit të tij me gëzof dhe duke tundur bishtin.
MitchMelly, i cili e ka shpërndarë videon, ka shkruar “çdo mëngjes e shëtis qenin e fqinjit tim të moshuar para se të shkoj në shkollë. E dua shumë reagimin e tij kur unë arrij”.