Te Dheu i Bardhë deri në tri orë pritje për të dalë nga Kosova, në Merdarë deri në dy orë

Shumë mërgimtarë që ishin për pushime në Kosovë tashmë ia kanë mësyrë vendeve të tyre ku veprojnë e punojnë.

Kjo ka bërë që në pikat kufitare që janë më të frekuentuara, ajo në Merdarë dhe tek Dheu i Bardhë pritjet për ta lëshuar Kosovën mund të zgjasin nga dy deri në tri orë.

Njëjtë si në Merdarë e te Dheu i Bardhë, pritjet janë të gjata edhe në pikën kufitare në Jarinë ku pritjet janë prej 180 deri në 240 minuta për të dalë nga Kosova ndërsa për të hyrë nga 20 deri në 25, teksa në Mutivodë për të hyrë në Kosovë pritjet janë deri në 10 minuta kurse për të dalë nga 180 deri në 240 minuta.