Një këmbësor ka ndërruar jetë dje në Kjevë të Malishevës, si pasojë e goditjes nga një veturë. Në raportin 24-orësh të policisë është bërë e ditur se për rastin në fjalë është arrestuar shoferi i veturës.
Policia ka njoftuar se rasti ka ndodhur për shkak të shpejtësisë.
“Është arrestuar i dyshuari mashkull kosovar pasi që duke drejtuar veturën e tij me targa vendore, dhe duke mos iu përshtatur kushteve të rrugës dhe shpejtësisë godet këmbësorin, viktimën mashkull kosovar. Në vendin e ngjarjes kanë dal njësitë relevante policore dhe një ekipe e ndihmës së shpejtë e cila ka konstatuar se si pasoj e lëndimeve të marra trupi i viktimës është pa shenja jete. Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje ndërsa trupi i pa jetë është dërguar në IML për obduksion.”, thuhet në raportin e policisë.