Janë krijuar radhë kilometrike kamionësh të tonazhit të rëndë që transportojnë mallra nga Shqipëria në Kosovë.
Kamionët janë të parkuar në dy korsi dhe presin për të hyrë në Kosovë përmes pikës doganore të Vërmicës.
- Reklama -
Shkaku i kësaj radhe është ndalesa e përkohshme nga ora 13:00 deri në orën 17:00, vendosur nga Ministria e Mjedisit dhe Infrastrukturës së Kosovës. Radha shtrihet nga fshati Bardhoc deri në hyrje të pikës doganore në Vërmicë.
Sot ishte dita e fundit e masës ndaluese për lëvizjen e mjeteve të tonazhit të rëndë në autostradat dhe rrugët rajonale të Kosovës, një vendim i marrë për shkak të temperaturave të larta gjatë 15 ditëve të fundit të korrikut.
- Reklama -