Sot, në Ditën Ndërkombëtare të Personave me Aftësi të Kufizuara, QKD “PEMA” në Prizren, në bashkëpunim me shkollën “Lekë Dukagjini” ka realizuar kampanjën “Ëe Ring the Bell”. Nxënësit, së bashku me fëmijët e QKD ” PEMA”, të shoqëruar nga mësimdhënësit dhe stafi i PEMA-s, i kanë rënë zileve për të tërhequr vëmendjen për situatën e fëmijëve me aftësi të kufizuar, ku ata shpesh nuk lejohen dhe nuk përkrahen për qasje në arsim.
PEMA bashkë me fëmijët, bën thirrje për gjithëpërfshirjen aktive të fëmijëve me aftësi të kufizuara në arsim, sepse të gjithë fëmijët duhet të ndjehen të mirëpritur dhe të përkrahur në shkollë.
Ndërkaq, një aktivitet tjetër është mbajtur në sallën e mbledhjeve të Kuvendit të Prizrenit nga drejtueset e QKD ” PEMA” me Asamblenë Komunale të Fëmijëve, ku është prezantuar një material, ku përveç prezantimit të nevojave, është bërë thirrje për përkrahje dhe mbështetje fëmijëve te aftësi të kufizuar.
Këto aktivitete janë realizuar në kuadër të projektit “Mbrojtja sociale e grupeve më të cenueshme të fëmijëve – ofrimi i shërbimeve gjithëpërfshirëse psikosociale, të strehimit dhe rehabilitimit”, të financuar nga Bashkimi Evropian, menaxhuar nga Zyra e BE-së në Kosovë.
